10 yo‘nalish, 9 davlat va 500 ga yaqin yosh iste’dod: Dushanbeda Delfiya o‘yinlari o‘tkazilmoqda
To‘qqiz davlatdan kelgan musiqachilar, xonandalar, rassomlar va raqqoslar o‘z san’ati va iste’dodini namoyish etish uchun Dushanbega jam bo‘ldi.
Dushanbeda MDH davlatlari XX Yoshlar Delfiya o‘yinlari bo‘lib o‘tmoqda. Unda to‘qqiz davlatdan 500 ga yaqin ishtirokchi qatnashmoqda.
O‘yinlarda Qozog‘iston, Qirg‘iziston, Tojikiston, Turkmaniston va O‘zbekiston, shuningdek, Ozarbayjon, Armaniston, Belarus va Rossiya vakillari ishtirok etmoqda.
10 yoshdan 25 yoshgacha bo‘lgan yoshlar 10 ta yo‘nalish bo‘yicha bellashadi va chiqishlar namoyish etadi.
Tanlov dasturiga quyidagi yo‘nalishlar kiradi:
- fortepiano;
- skripka;
- tasviriy san’at;
- akademik xonandalik;
- yakkaxon xalq qo‘shig‘i;
- estrada xonandaligi;
- xalq raqsi.
Festival dasturida yana uchta yo‘nalish bor:
- xalq cholg‘u asboblari;
- puflama cholg‘u asboblari;
- badiiy hunarmandchilik.
Tadbirlar Dushanbening turli madaniy maskanlarida, jumladan, konservatoriya, san’at maktablari, ixtisoslashtirilgan musiqa maktab-internati, madaniyat va san’at institutlari hamda Opera va balet teatrida o‘tkazilmoqda.
Dastur faqat tanlov bilan cheklanmaydi. Dushanbeda kreativ industriyalar va tadbirlar turizmini rivojlantirish masalalari ham muhokama qilinmoqda. Yana bir muhim mavzu – sun’iy intellekt va uning san’atga ta’siri.
Dushanbe Delfiya o‘yinlariga ikkinchi bor mezbonlik qilmoqda. Shahar ilk bor MDH davlatlari yosh ishtirokchilarini 2022 yilda qabul qilgan.
Bu yilgi o‘yinlar 9 oktyabrgacha davom etadi.
Ommabop
Qozog‘istonlik muallif sun’iy intellekt yordamida yaratilgan filmi uchun xalqaro mukofotga sazovor bo‘ldi
Qozog‘istonlik ijodkor Myrzakhan Zhumakhan xalqaro Astana AI Film Festival 2026 festivalida Best Character nominatsiyasi bo‘yicha mukofotni qo‘lga kiritdi.
O‘zbekiston dizayner Mohamed Benchellal uchun qanday ilhom manbaiga aylandi
O‘zbekiston Davlat tarix muzeyida niderland-marokashlik dizayner va rassom Mohamed Benchellalning “Sculpting Past Tomorrow” (“O‘tmishni haykaltaroshlik orqali kelajak sari”) ko‘rgazmasi ochildi.
Toshkentdagi sobiq tramvay deposi zamonaviy san’at markaziga aylandi
O‘zbekiston poytaxtida CCA Tashkent Zamonaviy san’at markazi o‘z faoliyatini boshladi. Markaz Amir Temur ko‘chasi, 6-uydagi 1912-yilda qurilgan tarixiy sanoat binosida joylashgan.