Quyosh energiyasi bilan elektromobil quvvatlash: Qozog‘istonda avtonom stansiya taqdim etildi
Ostona shahrida shahar elektr tarmog‘iga ulanmasdan ishlaydigan, quyosh energiyasida faoliyat yurituvchi to‘liq avtonom elektromobil quvvatlash stansiyasi taqdim etildi.
Stansiya Ostona shahridagi “Alatau” sport majmuasi hududida joylashgan bo‘lib, Qozog‘istonning BOLASHAQ POWER kompaniyasi tomonidan ishlab chiqilgan. Qozog‘iston Ekologiya va tabiiy resurslar vazirligi ma’lumotiga ko‘ra, bu MDHdagi elektromobillar uchun to‘liq avtonom, quyosh energiyasida ishlaydigan ilk quvvatlash stansiyasidir.
Stansiya shahar elektr tarmog‘iga ulanmasdan, mustaqil ravishda ishlaydi. U 100 kVt quvvatga ega quyosh energiyasi tizimi va 645 kVt·soat sig‘imli energiya saqlash qurilmalarini birlashtiradi.
Bir stansiyadan butun tarmoqqacha
Hukumat shu kabi stansiyalarni respublika ahamiyatidagi asosiy avtomobil yo‘llari bo‘ylab, shaharlarda, sanoat korxonalarida va boshqa infratuzilma obyektlarida o‘rnatish imkoniyatini ko‘rib chiqmoqda.
Ekologiya va tabiiy resurslar vazirining o‘rinbosari Mansur Oshurbayev ta’kidlaganidek, asosiy maqsad alohida tajriba loyihalari bilan cheklanib qolmasdan, yashil texnologiyalarni mamlakat hududlarida keng joriy etishdan iborat.
“Biz alohida yashil obyektlarni emas, qayta tiklanuvchi energiya manbalari, elektromobillar, innovatsion texnologiyalar va uglerod loyihalari yagona tizim sifatida ishlaydigan past uglerodli iqtisodiyot infratuzilmasini yaratishimiz kerak”, — dedi u.
Uning so‘zlariga ko‘ra, quyosh energiyasiga asoslangan quvvatlash infratuzilmasini rivojlantirish elektromobillar ommalashuviga xizmat qilish bilan birga, ulardan foydalanish natijasida yuzaga keladigan uglerod izini kamaytirishga ham yordam beradi.
Ommabop
Qozog‘iston va Belgiya Parkinson kasalligini erta aniqlash uchun sun’iy intellekt texnologiyasini ishlab chiqadi
Qozog‘istonning Astana Hub markazi va Belgiyaning Gent universiteti Astanadagi Alem.ai xalqaro markazida sun’iy intellekt va matematika bo‘yicha qo‘shma laboratoriya tashkil etmoqda.
Qozog‘istonda kelajak texnologiyalari bilan shug‘ullanadigan markazlar tashkil etiladi
Qozog‘iston Xitoy hamkorlari ko‘magida o‘z texnologiyalarini rivojlantirishni rejalashtirmoqda. Qo‘shma loyihalar qayta tiklanuvchi energetika, sun’iy intellekt va ma’lumotlarni saqlash texnologiyalari kabi bir nechta yo‘nalishni qamrab oladi.
Markaziy Osiyolik talabalar xalqaro moliyaviy xavfsizlik olimpiadasida g‘olib bo‘ldi
Markaziy Osiyo talabalari 27-sentabrdan 2-oktabrgacha Krasnoyarskda o‘tkazilgan VI Xalqaro moliyaviy xavfsizlik olimpiadasida g‘oliblar va sovrindorlar qatoridan joy oldi.