Qadimgi Quvada arxeologlar nimalarni topdi?
O‘zbekiston va Xitoyning qo‘shma arxeologik ekspeditsiyasi qadimgi Quva hududida mudofaa devori qoldiqlari va qadimiy madaniy qatlamlarni topdi.
Tadqiqotchilar yangi topilmalar Farg‘ona vodiysining eng qadimiy shaharlaridan biri bo‘lgan Quvaning tarixini yanada chuqurroq o‘rganishga yordam beradi, deb hisoblamoqda.
Qazish ishlari Qubbo shahristoni hududida olib borilmoqda. Topilgan namunalar hozirda radiokarbon tahlilidan o‘tkazilmoqda. Bu tahlillar topilmalarning yoshini aniqlash va topilgan inshootlarning qaysi davrga mansubligini aniqroq belgilash imkonini beradi.
Tadqiqotlarni Farg‘ona davlat universiteti hamda Xitoyning Loyang shahar arxeologik tadqiqotlar instituti mutaxassislari olib bormoqda.
Qo‘shma loyiha davomida olimlar qadimgi Quva hududida saroy majmuasi, shahar darvozalari, turar joy mavzelari, hunarmandchilik inshootlari va mudofaa devorlari qoldiqlarini aniqlashga muvaffaq bo‘ldi. Yangi topilmalar avvalgi tadqiqotlar natijalarini to‘ldirib, qadimiy shahar tarixini yanada to‘liqroq tiklashga xizmat qilmoqda.
Qazish ishlari Farg‘ona davlat universiteti huzurida tashkil etilgan «Farg‘ona – Loyang» arxeologik tadqiqotlar markazi doirasida olib borilmoqda. Mazkur markaz O‘zbekiston va Xitoy olimlarini birlashtirib, Buyuk Ipak yo‘li bo‘ylab joylashgan qadimiy shaharlar, ularning tarixi hamda madaniy aloqalarini o‘rganishga xizmat qilmoqda.
Tadqiqotchilar joriy mavsum natijalari Farg‘ona vodiysidagi qadimiy shaharlarning rivojlanishi, ularning mudofaa tizimlari va mintaqaning Sharq hamda G‘arb o‘rtasidagi savdo va madaniy aloqalardagi o‘rni haqida yangi ma'lumotlar berishiga umid qilmoqda.
Ommabop
Qozog‘iston va Belgiya Parkinson kasalligini erta aniqlash uchun sun’iy intellekt texnologiyasini ishlab chiqadi
Qozog‘istonning Astana Hub markazi va Belgiyaning Gent universiteti Astanadagi Alem.ai xalqaro markazida sun’iy intellekt va matematika bo‘yicha qo‘shma laboratoriya tashkil etmoqda.
Qozog‘istonda kelajak texnologiyalari bilan shug‘ullanadigan markazlar tashkil etiladi
Qozog‘iston Xitoy hamkorlari ko‘magida o‘z texnologiyalarini rivojlantirishni rejalashtirmoqda. Qo‘shma loyihalar qayta tiklanuvchi energetika, sun’iy intellekt va ma’lumotlarni saqlash texnologiyalari kabi bir nechta yo‘nalishni qamrab oladi.
Markaziy Osiyolik talabalar xalqaro moliyaviy xavfsizlik olimpiadasida g‘olib bo‘ldi
Markaziy Osiyo talabalari 27-sentabrdan 2-oktabrgacha Krasnoyarskda o‘tkazilgan VI Xalqaro moliyaviy xavfsizlik olimpiadasida g‘oliblar va sovrindorlar qatoridan joy oldi.