Tarixiy yutuq: o‘zbekistonlik shaxmatchi Pretendentlar turniri rekordini yangilab, jahon chempionligi sari yaqinlashmoqda.
20 yoshli o‘zbekistonlik grossmeyster Javohir Sindarov Kiprda o‘tayotgan Pretendentlar turnirida muddatidan avval g‘oliblikni qo‘lga kiritdi.
Sindarov Jahon shaxmat chempionati siklining asosiy saralash musobaqasi hisoblangan Pretendentlar turnirida g‘olib chiqqan ilk o‘zbekistonlik shaxmatchiga aylandi.
Turnirning 13-turida o‘zbekistonlik grossmeyster niderlandiyalik grossmeyster Anish Giri bilan durang o‘ynab, ochkolarini 9,5 taga yetkazdi. Bu natija musobaqa yakunlanishiga bir tur qolganida umumiy g‘alabani kafolatlash uchun yetarli bo‘ldi.
Bundan tashqari, Sindarov 2013 yildan buyon amal qilib kelayotgan Pretendentlar turnirining zamonaviy formatida rekord o‘rnatdi. U musobaqa davomida oltita g‘alabaga erishib, amaldagi format tarixida eng ko‘p g‘alaba qayd etgan ishtirokchiga aylandi.
Pretendentlar turniridagi g‘alaba o‘zbekistonlik grossmeysterga amaldagi jahon chempioni Dommaraju Gukeshga qarshi jahon shaxmat toji uchun bahs olib borish huquqini berdi.
Ommabop
6 ming ishtirokchi, 25 mamlakat va 42,2 kilometrlik marafon: Bishkekda Snow Leopard Run bo‘lib o‘tdi
18-oktabr kuni «Manas» xalqaro aeroporti hududida Bishkek Snow Leopard Run musobaqasi yettinchi bor o‘tkazildi.
Shax va mat: O‘zbekiston Samarqanddagi shaxmat Olimpiadasida g‘olib bo‘ldi
O‘zbekiston erkaklar terma jamoasi Samarqandda o‘tkazilgan 46-Jahon shaxmat Olimpiadasida g‘olib bo‘ldi.
Ashxobod xalqaro bolalar shaxmat turniriga mezbonlik qiladi
19–20 avgust kunlari Ashxobodda ilk xalqaro Kids Expo–Chess Cup turniri bo‘lib o‘tadi. Turnirda 15 dan ortiq mamlakatdan yosh shaxmatchilar ishtirok etishi kutilmoqda.