O‘zbekistonning JCH–2026 yo‘llanmasi sharafiga esdalik tangalar chiqariladi
O‘zbekiston Markaziy banki terma jamoaning JCH–2026 ga tarixiy yo‘llanmasi sharafiga esdalik oltin va kumush tangalar chiqaradi.
Tangalarning old tomonida O‘zbekiston futbol assotsiatsiyasi logotipi, futbol to‘pi va “Tarixiy g‘alaba. O‘zbekiston futboli – 2026 yilgi FIFA Jahon chempionatida” degan yozuv tasvirlangan.
Orqa tomonida esa milliy terma jamoa ramzi bo‘lgan oq bo‘ri silueti aks etgan. Tasvir 26 nafar futbolchi siluetidan tashkil topgan bo‘lib, tarixiy natijaga olib kelgan jamoaviy birlik va hamjihatlikni ifodalaydi.
Tangalar dizaynida O‘zbekistonning qadimiy me’moriy yodgorliklaridagi naqshlardan ilhomlangan bezak elementlari ham qo‘llangan.
Tangalar 999,9 probali oltin va kumushdan zarb qilingan. Har bir tanganing vazni 31,1 grammni tashkil etadi. Ular cheklangan miqdorda chiqariladi: 100 ta oltin va 1 000 ta kumush tanga.
Esdalik tangalari 18 iyundan boshlab mamlakat bo‘ylab tijorat banklari filiallarida sotuvga chiqariladi. Tangalarning narxi va mavjudligi haqidagi ma’lumotlar Markaziy bankning rasmiy veb-saytida e’lon qilib boriladi.
Hozir o'qilmoqda
Astana Games of the Future musobaqasiga tayyorgarlik ko‘rmoqda: 10 ming sayyoh va 800 nafardan ortiq ishtirokchi kutilmoqda
Astanada 29-iyuldan 9-avgustgacha bo‘lib o‘tadigan xalqaro figital sport turniri – Games of the Future 2026 musobaqasiga tayyorgarlik yakunlanmoqda.
Qozog‘istonlik grossmeyster FIDE ayollar reytingining kuchli beshligiga kirdi
Bibisara Asaubayeva faoliyatida ilk bor Xalqaro shaxmat federatsiyasi (FIDE)ning ayollar o‘rtasidagi jahon reytingida kuchli beshlikka kirdi.
Eldor Shomurodovning goli JCH–2026 guruh bosqichining eng chiroyli goli deb topildi
FIFA 2026 yilgi futbol bo‘yicha jahon chempionati guruh bosqichidagi eng chiroyli gol bo‘yicha o‘tkazilgan ovoz berish yakunlarini e’lon qildi. G‘oliblik O‘zbekiston terma jamoasi sardori Eldor Shomurodovga nasib etdi. Uning Kongo DR darvozasiga uchrashuvning 10-daqiqasida kiritgan nafis «chip» uslubidagi zarbasi muxlislar ovoziga ko‘ra eng yaxshi gol deb topildi.