Qozogʻistonda aerotaksi namoyish etildi
Astanada elektr vertikal uchish va qoʻnish (eVTOL) havo taksisining namoyish parvozi boʻlib oʻtdi.
Namoyish parvozi "Qazanat" ippodromi hududida boʻlib oʻtdi. Bu haqda Qozogʻiston Transport vazirligi maʼlum qildi.
Namoyishda Xitoyning AutoFlight kompaniyasi tomonidan ishlab chiqilgan AutoFlight Prosperity eVTOL havo kemasidan foydalanildi. Tadbir Qozogʻistonning Alatau Advance Air Group Ltd. (AAAG) kompaniyasi hamda xitoylik hamkorlar tomonidan tashkil etildi. Havo kemasi bir nafar uchuvchi va besh nafar yoʻlovchini tashishga moʻljallangan. Biroq namoyish parvozi yoʻlovchilarsiz amalga oshirildi.
Avvalroq Alatau shahrida ham eVTOL sinov parvozlari oʻtkazilgan edi. Oʻshanda Markaziy Osiyoda bunday turdagi havo kemasining ilk namoyish parvozi amalga oshirilgan va bu mamlakatda shahar havo harakatchanligini rivojlantirish loyihasiga start bergan.
Transport vazirligi maʼlumotiga koʻra, Qozogʻistonda eVTOL texnologiyalarini joriy etish uchun huquqiy va infratuzilmaviy baza yaratish ishlari davom etmoqda. Bunday havo kemalari, vertiportlar hamda uchuvchisiz havo harakatini boshqarish tizimlarini tartibga soluvchi qonunchilikka tegishli oʻzgartirishlar allaqachon qabul qilingan.
Namoyishdan soʻng AutoFlight Prosperity "Games of the Future 2026" xalqaro fidjital turnirida namoyish etiladi. Musobaqa 29-iyuldan 9-avgustgacha Ostona shahrida boʻlib oʻtadi.
Ommabop
500 million dollarlik Future Technologies Center: Nurafshondagi 36 gektar hududda nimalar barpo etiladi?
Nurafshonda Future Technologies Center barpo etiladi. 22-iyul kuni O‘zbekiston Prezidenti Shavkat Mirziyoyev majmua qurilishiga rasman start berdi. Majmua 36 gektar maydonni egallaydi, loyihaga kiritiladigan investitsiyalar hajmi qariyb 500 million AQSH dollariga baholanmoqda. Loyiha Cyber University yonida amalga oshirilmoqda.
Astana sun’iy intellekt bo‘yicha yangi tashkilotning ilk yig‘ilishiga mezbonlik qilishi mumkin
Qozog‘iston Prezidenti Qosim-Jomart Toqayev World Artificial Intelligence Cooperation Organization (WAICO)ning ilk yig‘ilishini Astanada o‘tkazishni taklif qildi.
Oʻzbekiston global IT kompaniyalarini jalb etishga qaratilgan yangi tashabbusni taqdim etdi
Oʻzbekiston xalqaro raqamli texnologiyalar markazi – Enterprise Uzbekistan loyihasini taqdim etdi. U xalqaro IT kompaniyalari faoliyati uchun yangi platformaga aylanishi hamda xorijiy investitsiyalarni jalb etishga xizmat qilishi kutilmoqda.